Adelaide
|
Quest articol chì l'è scrivud in lombard, con la Noeuva Ortografia Lombarda |
Adelaide (IPA: parnonzia inglesa: /ˈædəleɪd/) a l'è la capitala del Stat federad de l'Australia Meridional, quinta cità pussee popolosa de l'Australia, dop de Sydney, Melbourne, Brisbane e Perth: in del 2020, la gh'haveva una popolazzion metropolitana de pussee de 1,376,601 persone.[1]
La cità a l'è intitolada a l'Adelaide de Sassonia-Meiningen, mier del Gujelm IV e regina del Regn Unid del 1830 al 1837.[2] La se troeuva in su la costa meridional de l'Australia, in su la zoca St Vincent (Ocean Indian). El mot civegh a l'è Ut Prosint Omnibus Conjuncti (latin per «Insema per el ben comun»).
Geografia fisega
ModifegaTerritori
ModifegaAdelaide a l'è a nord de la Penisola Fleurieu, in su la piana de Adelaide, in tra la Zoca de San Vincenz e la bassa cadena di mont Lofty. Segond l'Australian Bureau of Statistics, la region metropolitana de Adelaide l'ocupa una superfis total de 870 km², cont un'altituden media de 50 m s.l.m. A gh'inn divers rial che traversen Adelaide, la pupart ligad ai sistem del Torrens e del fium Onkaparinga.
Storia
Modifega
Prima de la colonizazzion di europee, l'area intorna Adelaide l'era abitada di indigen Kaurna. La zona l'era cognossuda 'me Tarntanya.[3]
I europee inn rivad 'me liber colonizador in de l'Australia Meridional, che la vegn colonizada a nivell ofizzial 'me provincia britanega el 28 dicember 1836 (incoeu regordada 'me festività publega, el Proclamation Day).[4] El sit per la noeuva cità el vegn controllad del Colonnell William Light, che el scerniss, un sit in volt aproeuv al fium Torrens, che el diventa la principal risorsa d'aqua per la cità. El modell urban dovrad per la cità l'è stad quell de Catania, che el Light l'haveva veduda in tra el 1820 e 'l 1821.[5][6]
Adelaide la vegn fondada 'me center de una colonia de liber imigrad, con la promessa de libertà civil e protezzion di persecuzzion religios; la so storia l'è donca diversa fess de quella "penitenziaria" di olter grand cità australiane 'me Sydney, Brisbane e Hobart.
Note
Modifega- ↑ Regional Population Growth, Australia, 2019-2020: Main Features. Australian Bureau of Statistics (22 March 2021). Estimated resident population, 30 June 2018.
- ↑ Rodney Cockburn. inglese South Australia: What's in a Name?. 1990
- ↑ Kaurna people.
- ↑ inglese City of Holdfast Bay - Proclamation Day. 2012-07-13. URL consultad in data 2022-01-16.
- ↑ Vedi Curiosità Catanesi - Adelaide
- ↑ Adelaide in AAVV, Enciclopedia di Catania, Tringale editore, 1987
Alter proget
Modifega
Wikimedia Commons el gh'ha dent imagin o alter archivi su Adelaide
Wikivoyage el gh'ha dent Informazzion turisteghe su Adelaide
