Lumbard ucidental Quest articol chì l'è scrivuu in lombard, grafia milanesa.

Cont el tèrmen aerosòl a se designa ògni sostanza (foeura che l'acqua in meteorologia ch'a l'è nò considerada infra i aerosòl) che l’esista in atmosfera in forma sòlida o liquida che la gh’abìa ‘na grandezza maggiora di misur di molecol (>0,005μm). [1]

Aerosòl atmosfereghModifiché

I aerosòl hinn classificàa segond i misur di partìcol in:[2]

  • partìcol fin (de diametro infra 0,005 e 2,00 μm):
infra sti chì gh’è:
  • i nucli del Aitken (0,005-0,1μm): hinn de origin secondaria de già che se formen de la condensa di vapor o de la nucleazion di gas;
  • i nucli grand (0,1-2,00μm): anca lor de origin secondaria, per mèzz del groppìss de partìcol pussée piscinìnn in sui nucli de l’Aitken.
  • partìcol gròss (nucli gigànt - 2,0-1000μm): hinn de origin primaria, o ben hinn mettùu denter ind l’atmosfera tal quaj, se formen per via de la speladura meccanica di materiaj.

Sorgent de l'aerosòlModifiché

I sorgent de l’aerosòl primario hinn: [3]

  • sorgent naturaj:

- la speladura del soeul per via de l’acqua e del vent;

- la spantegada in atmosfera di soluzion salin del mar;

- i eruzion di volcani che manden foeura di scender ind l’atmosfera;

- i polver còsmich;

- i incendi boschìv (fùmm);

  • sorgent per via de l’òmm:

- combustion (fumm); - procèss industriàj - mèzz de traspòrt

L’aerosòl segondari, inveci el se forma per reazion chimegh infra i gas de orìgin naturàl o artificiàl.

Eliminazion de l'aerosòlModifiché

Per portà via l’aerosòl:[4]

-i nucli de l’Aitken se mètten insèma a fa su di nucli pussée gròss;

-i nucli grand hinn portàa via con di meccanismi del eliminazion per pioeuva in di nivol e del eliminazion per pioeuva sòta i nivol (deposizion ùmeda);

-i nucli gigant vànn giò per sedimentazion (deposizion sècca).

Aerosòl in medesinaModifiché


Vos correlaaModifiché

RiferimentModifiché

  1. Mario Giuliacci (2010). Manuale di meteorologia (in italian). Alpha Test, 96. ISBN 88-483-1168-7. 
  2. Mario Giuliacci (2010). Manuale di meteorologia (in italian). Alpha Test, 97-99. ISBN 88-483-1168-7. 
  3. Mario Giuliacci (2010). Manuale di meteorologia (in italian). Alpha Test, 99-100. ISBN 88-483-1168-7. 
  4. Mario Giuliacci (2010). Manuale di meteorologia (in italian). Alpha Test, 100. ISBN 88-483-1168-7.