Agni Parthene
|
Quest articol chì l'è scrivud in lombard, con la Noeuva Ortografia Lombarda |
Agni Parthene (in gregh Ἁγνὴ Παρθένε, che 'l voeul dì "O Vergin pura") a l'è un cant marian scrivud del Netari d'Egina vers la fin del secol XIX e dad foeura in del Theotokarion del 1905. In la Gesa ortodossa a l'è considerad 'me un inn para-liturgegh, a l'è donca doperad foeura de la Divina Liturgia o, al massim, a la fin, quand che se ciapa l'antidoron.
A l'è stad mitud in musega in di agn '70 del ieromonegh Grigoeu del Mont Athos che, in visita a Gerusalem, l'ha sentud un cant de Nedal e l'ha vist che ghe stava propi ben coi parolle del Netari: el s'è spantegad a la svelta, in del mond ortodoss e anca foeura, e l'è stad voltad in d'un frach de lengov.