Ala (òrghen)

Lombard Occidental Quel articul chì l'è scrivüü in Lumbard, cun l'urtugrafia insübrica ünificada.
Exquisite-kfind.png Per savenn pussee, varda l'articol Ala (insècc).

L'ala l'è ciascöna di apendis mòbil a furma slargada che i serven per al muviment int l'aria di üsel e de certi inset e mamifer.

L'avertüra d'ala d'una galédura

In di üsei curispunden ai art anteriur di vertebraa terester. El schelter, per quant el poda vess mudificaa, l'è custitüii dai istess element che caraterizen l'estremità pentadatila o chiridi di vertebraa terester o tetrapud. El pian de sustentament de l'ala, per el vul, furmaa dai penn remigant mitüù in sül margin pusteriur de la man e de l'inizi del brasc. Sü tüt dò i facc de l'ala se tröven di pen piscininn ciamaa cupitris o tettris. In di üsei müden la furma e i dimensiun di al segund la velucità e 'l möd de vulà. Hin lungh, stregg e a punta per i üsei püssee rapid; per quij che vulen püssee lent, hin püssee largh e utüs. In d'un quaj cas poden vess atrufizaa, cumpagn de quij di Strüziunifurm, o trasfurmaa in pinn, cumpagn de quij di Sfeniscifurm.

In di mamifer chiroter, l'ala l'è rapresentada dal patagi o membrana cütanea tendüda fra 'l cupin, i art süperiur e quij inferiur. El sustegn de la membrana alar, furnida de nerv e de orghen de sens tatil, l'è daa dal schelter del carp e dai quater did di art anteriur, estremament slungaa.