Amarètt de Sarònn

Quest articol chì l'è scrivuu in lombard, grafia milanesa.

I Amarètt de Sarònn hinn on tipo de biscòtt amarètt dur o sècch che i sò ùnegh ùnegh ingrediént hinn el zuccher, i armelìnn e l’ ciar d’eouv. A hinn originari de la città de Sarònn e vegnen prodòtt de l D. Lazzaroni & C., azienda de bonbón che la gh’hà anmò adèss el boll registraa "Amarètt de Sarònn", ancabén el vegna de spèss doperàa per indicàa in manera generica on quajsevoeur tipo de amarètt dur.

Confezion tìpich de amarètt

Storia e tradizion

Second la leggenda raportata anca de la ditta Lazzaroni medèsima, in del 1718 el cardinál Benedetto Erba Odescalchi, arcivèscov de l’Milano, l’hà decidùu de fagh vìsita al santuari de la Beata Vergin di Miracoi de Sarònn. In onór de la sua visita ona cobbia giovina la preparàa on impást fàa su de zùccher, armelìnn e ciàr d’oeuv che, lassà a levà in del forno, l’hà originàa di biscòtt redónd ch'hinn stàa ciamàa Amarètt. De là de la leggenda l’è stada la famiglia Lazzaroni, che la s’era trasferida de Tej a Sarònn al prenzippi del settcent a fàss portabandéra de sta specialità chì de bonbón, a l’inviada in del pìccol lavoreri de la famiglia, e poeu a livèll industriál grazie a la fondazión de la D. Lazzaroni & C. in del 1888.

Curiosità e riferiment culturaj

• I biscòtt hinn famós per el sò scartòzz, fàa de carta velina che, se la ven rotolada su, missa in pée ind on piattìn e incendiada cont on accendìn, la se mètt adrée a sgorattà adasi adasi vèrs l’alt ; a gh’è chi che 'l se divertìss a esprìmm on desideri che ‘l diventarìss vèr qualora che la carta la se mettèss adrée a sgorattà.
• In del 2010 ona tòlla de Amarètt de Sarònn la va in scèna in del film fantasy l'Harry Potter e i Dón de la Mòrt - Part 1.