Antonio Guadagnini

Quest articol chì l'è scrivuu in lombard, grafia milanesa.

Quella vos chi la gh'ha mìnga dì font o a hinn tròpp pocch. Per piesè, gionta di font a la vos.
Per avè on'ideja di alter vos senza font, vardee chichinscì.

L'Antonio Guadagnini (Bassano del Grappa, 25 de agost del 1966) l'è on politegh veneto, consijee regional per el partii independentista Siamo Veneto.

L'è staa primma in la Democrazia Cristiana, poeu in la Lianza Nazionala e poeu in l'UDC. Dopo avè perduu i elezion 'me eurodeputaa el vegn semper pussee marginalizzaa del Partii, e 'l se interessa al nazionalism veneto, e 'l va in di formazion independentista.

In del 2011 l'è candidaa ai elezion de la provincia de Trevis, e 'l ciappa el 1,5%. El va ben soratutt in del tocch oriental de la provincia, territori tradizionalment de la Lega Nord.

Ai elezion regionai del 2015 el supporta el Luca Zaia e l'è elegiuu a Vicenza comé consijee regional. L'è elegiuu Segretari del Consili e 'l forma subet on gropp de lavor independentista con gent de la UDC e vun de Forza Italia.

L'è laureaa in economia e filosofia e l'è fiss cattolegh. In tra i sò parpoeust comé consijee pussee famos gh'è quella per on referendum regional de autonomia e independenza e per mett la lengua veneta in di minoranz lenguistegh del Stat italian.

Primma, inveci, l'era vegnuu famos per ona proposta, incagada del Stat italian, per lassà el 20% di tass ai Comun, che el gh'ha avuu el support de 400 sindegh del Veneto.

In del 2019 l'ha tolt part a la fondazion del Partii di Veneti, che el l'ha candidaa president de la region in del 2020, senza però vess boni de elegel.