Arcade lombarde

Quell articol qì l'è scrivud in Lombard, cond l'ortografia Scriver Lombard.

I arcade lombarde (frances: bandes lombardes) i è dei elements arqitetoneg carateristeg del Romaneg lombard.

Arcade lombarde, Santa Julia (Bonad Sota)

Descrizion

I arcade lombarde i è formade de file de arcade orbe (2), qe i sporj un poo del mur, sostegnide de misole o lesene (1). D'ordinare i è dovrade su i façade esterne, de rar a l'intern. La fonzion de solet l'è adoma decorativa, anc se dei volte i è dovrade per cresser la rijideza de la strutura.

Storia

I arcade lombarde, come al dix ol nom, i g'ha orijen in Lombardia, ind la zona dei lag: de Com, Major e Orta. I s'è spandide in tœt ol sud Europa, de probabel grazie al lavorar di maister comaxin: ind el XI secol, i è dovrade ind i ciexe de la Catalogna, de l'Aragona e de l'Ardèche. Ol plu antig esempe de arcade lombarde restait a'l dé d'incœ l'è la Basilega de San Vincenz in Prat, del 883, a Milan.

Anc ol Carl Magn l'ha ciamad i artijan lombards per lavorar ai palaz imperiai, in Renania.

L'uso dei arcade lombarde l'è continuad, dopo ol Romaneg, anc col Goteg.

Esempe

• 
  San Vincenz in Prat, Milan
• 
  Rotonda de San Tomè, San Bartolomee
• 
  Basilega de Santa Julia, Bonad Sota
• 
  Saint-André de Sorède, Pirenee Orientai
• 
  San Juan de Busa, Aragona
• 
  Chapelle de Domange, Igé
• 
  Dom vegg de Bressa
• 
  Chapelle Saint-Pierre de Limet, Belji
• 
  Ciexa de San Sever, Bardolin
• 
  Basilega de Sant'Ambrœs, Milan

Riferiments

• (EN) Peter Hubert, The developments of Lombard bands Arqiviad qé: [1]
• (IT) Quell'idea di Lombardia nei secoli attraverso le attività degli artisti italiani e ticinesi Arqiviad qé: [2]

Olter projets

• Wikimedia Commons al gh'ha dent roba culegada a: Arcade lombarde.