Armando Diaz (incrosador)
|
Quest articol chì l'è scrivud in lombard, con la Noeuva Ortografia Lombarda |
L'Armando Diaz l’è stad on incrosador leger de la Marina Real italiana, che 'l parten a la class Luigi Cadorna, la seconda del tipo Condottieri.
L’è stad batezad in quella manera chì a onor e gloria del general de la prima guerra mondial, l' Armando Diaz. La fras de la nav l’è stada catada foeura dal test del Bollettin de la Vitoria del 4 de november del 1918: Con fed incrollabil e valor che ‘l ced nò.[1]
Inquadrad in la IV Division incrosador, desgià che ‘la soa protezzion l'era minga assee de operà in azzion de squadra, in del cors de la seconda guerra mondial l’è stad doperad de solit in mester di scorta e de protezzion ai convoj italian e todesch e l’era dotad di idrovolant IMAM Ro.43.
L'unica bataja che ghe podeva ciapà part l’è stada quella de Punta Stilo del 9 de luj del 1940, conflit indove però la l'ha minga podud partecipà ativament perchè l’è stad costrinsgiud a tornà dent per via d’on quai problema ai machine[2].
Ai 3:43 del 25 de febrar del 1941[3], in del scortà on convoj per la Libia insema al gemell Giovann di Bande Negher e i reoplan de combatiment Ascari e Corazziere, l’è stad silurad del somergibil de la Royal Navy HMS Upright e l’è andad a fond de poncia in domà ses minut[3], e ‘l s’è portad adree 464 omen de 611 che faseven su l’ecupagg[4] (second alter font[5] i mort a inn stad 500 de 633 omen che gh’era a bord).
La perdita del Diaz l’è esemplar de la scarsità de protezzion di prime dò class de la serie Condottieri (Di Giussano e Cadorna): de fat cinch di ses unità ch’je faseven su a inn andade perdude (tute per silurament, sben che quest l’è minga stad de importanza primaria in la perdita del Da Barbiano e del Colleoni), inveci domà vuna di ses unità di trè serie adree ("Montecuccoli", "Duca d'Aosta" e "Duca degli Abruzzi") l’è stada fondada, e tante de ‘ste unità chì a inn restade a galla front ai silurament (per esempi el Garibaldi, el Duca degli Abruzzi o lModell:'Attendolo).
Comandant in del period de la guerra
Modifega- Capitani di vascell Francesco Mazzola (+) del 21 de november del 1939 al 25 de febrar del 1941;
Relit
ModifegaEl relit de l'Armando Diaz l’è stad trovad d’on pescador de Lampedusa in del 2004 denanz a la costa de l’isola de Kerkennah, posizzion 34°33'N, 11°43'E. La nav la sta longa e distesa in sul fianch de mansina s’cepada in dò a manch de 50 meter de profondità con la poncia alzada. I sò torrete de popa a inn ancamò al sò post, ma i so cannon a inn sota terra in del fondal.[6]
Note
Modifega- ↑ I motti delle navi italiane, Roma, Ufficio Storico della Marina Militare, 1962, pp.36.
- ↑ Giorgio Giorgerini, La guerra italiana sul mare. La Marina fra vittoria e sconfitta 1940-1943, p. 172-180
- ↑ 3,0 3,1 Gianni Rocca, Fucilate gli ammiragli. La tragedia della Marina italiana nella seconda guerra mondiale, p.98
- ↑ Luca Valente - Ritrovato Il Relitto Dell'Incrociatore Diaz Archiviad chi: [1] ol 5 gennaio 2014
- ↑ Giorgio Giorgerini, La guerra italiana sul mare. La Marina fra vittoria e sconfitta 1940-1943, e Gianni Rocca, Fucilate gli ammiragli. La tragedia della Marina italiana nella seconda guerra mondiale
- ↑ http://www.vittoriasacca.it/2017/02/13/un-tropeano-tra-i-464-uomini-dellequipaggio-disperso-nellaffondamento-dellarmando-diaz/