Atoll de Palmyra
|
Quest articol chì l'è scrivud in lombard, con la Noeuva Ortografia Lombarda |
L'Atoll de Palmyra a l'è 'n territori di Stat Unid, sit circa ai du terz de la distanza in tra i Hawaii e i Samoa Americane. Gross apena 11,9 km2, el gh'ha no una popolazzion permanent, ma a l'è l'unegh territori minga organizad ma incorporad de la Federazzion, o ben la se aplica la Costituzzion intrega, per esempi se vun el nass in su l'atoll a l'è citadin di Stat Unid in vertù del ius soli: l'è inscì perchè, quand che 'l Territori di Hawaii l'è stad trasformad in del Stat di Hawaii, a l'è stad lassad foeura l'atoll, che l'ha conservad donca el status del territori che gh'era prima.
L'è gestida, in pratega, de The Nature Conservancy, 'me reserva natural. A gh'è no un governo, l'isola a l'è gestida del President di Stat Unid diretament o a travers de la Cort Distretual di Stat Unid per el Distret di Hawaii quand che gh'è de besogn. L'è visitabel di turista, con di permess.
Riferiment Modifega
Alter proget Modifega
Wikimedia Commons el gh'ha dent imagin o alter archivi su Atoll de Palmyra
