Attilio Fontana (politegh brasilian)
L'Attilio Francisco Xavier Fontana (pussee despess reportaa in portoghes Atílio, Santa Maria, 10 de agost 1900 - San Paol, 15 de marz 1989) l'è staa on imprenditor e politegh brasilian, fondator de l'azienda de mangià congelaa Sadia.
Biografia
ModifegaFioeu di imigraa del Veneto, pussee de precis de Sarcedo, Romano Fontana e Teresa Dalle Rive, el gh'ha avuu noeuv fioeu, in tra de lor el Omar Fontana, e l'è 'l nono de Luiz Fernando Furlan e del Victor Fontana, el scomincia la soa attività de imprenditor a 25 agn in del settor di obergh e del vend di bestij, soratutt porscei, in del 1944 el fonda la Sadia.
L'è staa resgiô e prefett municipal de Concórdia del 1951 al 1954 e in del 1955 l'è elegiuu a la Cambra di Deputaa finna al 1959 con la Lianza Socio-Lavorenta e del 1959 al 1963 per el Partii Socialdemocrategh.
In del 1962 l'è elegiuu senator de la Republega e secretari del Stat de Santa Catarína per l'agricoltura finna a deventànn vice-governator del 1971 al 1974. El tegn el governo domà 'na voeulta durant el viagg del titolar.
In del 1978 el fonda 'na fondazion cont el sò nomm. El moeur in del 1989.