Auckland
|
Quest articol chì l'è scrivud in lombard, con la Noeuva Ortografia Lombarda |
Auckland a l'è una cità de la Noeuva Zelanda, la pussee granda e popolosa del paes e la quinta de l'Oceania intrega, cont una popolazzion urbana de 1.463.000 persone e metropolitana de 1.715.600.[1][2] La se troeuva in de l'Isola Nord del Stat, in de la region de Auckland, che la representa l'area metropolitana de la cità.
Storia Modifega
L'istmo indova che la gh'è incoeu la cità el vegn abitad una prima voeulta vers el 1350 di māori; el se stima che la popolazzion nativa la sia rivada ai 20.000 unità prima di europee. Dopo de l'istituzzion de una colonia britanega, in del 1840 el William Hobson, governador sgeneral de la Noeuva Zelanda, el scerniss el sit 'me noeuva capitala de la colonia. Ancaben che Auckland l'habia perdud el roeull de capitala in del 1865, quand che l'è stada spostada a Wellington, la cità a l'è restada el principal center per l'imigrazzion e anca la cità pussee granda del Paes. Incoeu a l'è el modor economegh de la Noeuva Zelanda.
Geografia Modifega
La cità la se troeuva in tra el Golf de Hauraki a est, el port de Manukau a sud-ovest e di colline a sud-est e a ovest. La part centrala de la cità la ocupa un strecc istmo, che 'l spartiss i port de Manukau (in sul Mar de Tasman) e Waitemata (in su l'Ocean Pacifegh).
Note Modifega
- ↑ (March 2011) "Population density: are we talking about the same thing?". Monitoring Research Quarterly 4 (1).
- ↑ https://nzdotstat.stats.govt.nz/wbos/Index.aspx?DataSetCode=TABLECODE7980
Alter proget Modifega
Wikimedia Commons el gh'ha dent imagin o alter archivi su Auckland
Wikivoyage el gh'ha dent Informazzion turisteghe su Auckland
