Autobus

Quest articol chì l'è scrivud in lombard, con la Noeuva Ortografia Lombarda

Un autobus (despess breviad in bus, ciamad anca corriera o, in Lombardia oriental, bes'cia bloeu per el tipegh color di corriere extra-urbane, in Svizzera posta) a l'è un mez de straport, de solet publegh ma doperabel anca per straport turistegh o privad, che l'è pensad per menà in sgir un numer pussee volt de sgent rispet a di alter mez de straport, e anca i so bagagg. Ghe n'è de piscinit, a bon cunt el minim in Europa l'è de noeuv post - a cuntà anca quell del sciafoeur - e 'sti chi inn ciamad anca minibus, 'me che ghe n'è de grand, anca con pussee de element che inn conligad in tra de lor de bofet, e a pussee de pian: quei pussee grand poden havégh spazzi fina per 300 persone.

I prim bus inn stad inventad, a cavall, in di agn '20 del 1800, con quei a vapor che inn rivad in di agn 1830, menter i prim filobus inn del 1882. In del 1895 a l'è mitud in servizzi el prim autobus che 'l gh'ha un so motor a combustion interna e 'l prim bus prodot in massa a l'è stad el LGOC B-type a du pian, per Londra, che anca incoeu a l'è un simbol de la capital britannega. I autobus con la midema forma del dì d'incoeu resalissen ai agn '50 del secol quell de vint e a partì del noeuv milleni a l'è vegnud su l'interess in sui tecnologie che ghe permeten de vesser pussee ecologegh, compagn de l'alimentazzion con di carburant pussee net de benzina e gasoeuli, el motor ibrid o la trazzion eletriga cont i batarie.

In Europa, per guidài ghe voeul la patenta de categoria D, e per el servizzi professional ghe voeulen di certifegad pussee. In di Stat Unid, ghe voeul una patenta de guida professional.

Autobus

Riferiment

Alter proget

Vos corelade