Autorizazzion a esecitàss a la guida
|
Quest articol chì l'è scrivud in lombard, con la Noeuva Ortografia Lombarda |
L'Autorizazzion a esecitàss a la guida, ciamad popolarment foeuj roeusa per el so color, a l'è un ducument dad foeura de la ministrazzion italiana che ghe permet a 'n quajvun de esecitàss a la guida de 'n mez per el che el domanda la patenta, per podé fà la proeuva pratega. In del cas che 'l gh'ha sgiamò una patenta de slargà (per esempi, vun con la B che 'l domanda la A o vice-versa), a gh'è domà de domandàll, menter se la patenta la gh'è no o se po minga slargàlla perchè gh'è de la teoria diferenta (per esempi, de la patenta AM, quella di ciclomotor, vers i alter patente o per i patente C e D) gh'è de fà prima la proeuva teorega.
.svg)
El dura dodes mes e 'l candidad el po provà l'esam de pratega per trè voeulte. In del cas di mez che 'l permeten, ghe voeul un istrutor vesin, menter per i mez che 'l ghe l'hann no l'è possibel esercitàss depersé, a pat de fàll in strade con poch de trafegh. In sui autoveicoi, besogna havégh un contrassegn con la "P" o, se se va con la scoeula guida, con scrivud "SCUOLA GUIDA".
Per quei con 17 agn, la patenta A1 o B1 e 'n permess de la Motorizazzion, a l'è possibel fà la "Guida Compagnada", indova che se po guidà con vesin vun che 'l gh'ha la patenta B de almen des agn e 'l che nom l'è segnad in Motorizazzion, a pat de havé fad un cors teoregh in autoscoeula e de havégh una pataca con scrivud "GA" in sul mez, a desdot agn se po domandà el foeuj rosa classegh, e 'l cors fad prima el val de esenzion ai ses ore obligatorie de guida de fà in autoscoeula.