Averardo Buschi
|
Quest articol chì l'è scrivud in lombard, con la Noeuva Ortografia Lombarda |
L'Averardo Buschi (Telgat, 1853 - Rò, 1877) a l'è stad un poeta italian, autor in lombard e italian.
Biografia
ModifegaNevod, de part de la mam, del poeta leches Antonio Ghislanzoni, el par che 'l so talent el fuss vegnud foeura de sgiovin, e l'è probabel che i so prime poesie fussen de quand che 'l gh'haveva dodes agn. El par che 'l fuss anca intenzionad a fà su un giornal in dialet milanes, roba che però l'ha mai fad, anca perchè l'è mort propi sgioven a vintquater agn.
L'ha inventad la maschera tipega de l'Alt Milanes del Pidrin.
Oeuvere
ModifegaLa pupart de quell che 'l se sa in su de lu a l'è grazzia al Gaitan Crespi, che l'ha riportad varie soe poesie. La pupart eren scrivude in d'un milanes leterari citadin, ma l'ha provad anca a scriver di poesie "mascherade" in d'un dialet alt milanes, compagne de A contra i tass, La creazion d'ol mond, In d'ol mond da la part da là e ol Pidrin a tajàttar. In la poesia el Guggin gh'è inveci un gran ariosism, o ben zila, tipegh de l'area comasca.
La soa oeuvera La tegnoeula a l'è deventada, cont el temp, una filastroca popolar, cantada e musegada de tancc autor.
Regord
Modifega
A Milan gh'hann dedicad una via in del quarter de Lambraa.
Riferiment
ModifegaBibliografia
Modifega- POESIE IN LOMBARDO di AVERARDO BUSCHI, con note del Peder Cociancich, 2018