Bùca dla Verità
|
|
Quel articul chì l'è scrivüü in Lumbard, cun l'urtugrafia insübrica ünificada. |
La Bùca dla Verità l’è un medajòn de marmu a furma de faciòn de omm cun la barba, müràd in del pòrtegh dla Cesa de Santa Maria in Cosmedin, a Ruma, dal 1632.
Ste mascheròn chì, prubabilmént, l’è stài sculpìd in del I sècul D.C., el g’ha un diàmeter de 1,75 méter e el pesa quasi 'na tunelàda e 300 chilu. El faciòn che se véd pödd dass ch’el sia de Giove Ammone, fiöl d’Ucean; d’un uràcul; o d’un fauno.
Se sa nò de precìs a che roba el sia servìd: tanti i dìsen cume funtana, tanti cume tumbìn o adiritüra pisatòi; altri amò i disèn che la gent ghe treva dènn le létere de denunce anonime chi gh’even no el curàgg de dì.