BGP hijacking
|
Quest articol chì l'è scrivud in lombard, con la Noeuva Ortografia Lombarda |
El BGP hijacking a l'è el ciapà possess irregolarment de 'na quaj adressa IP grazzia a la modifega di messagg scambiad di router dedicad al Border Gateway Protocol. A l'è fad de solet grazzia a 'n sistema autonom che 'l nonzia, per eror o con malizzia, de originà un prefiss che, in verità, 'l origina no o che 'l nonzia de podé rivàgh a 'n IP pussee a la svelta o in manera pussee specifega.
L'esempi pussee cognossud, ciamad anca "el dì che hann smorzad l'Internet, a l'è stad l'incident de l'AS 7007 quand che, in del 1997, un router l'ha sbatud foeura per eror tuta la soa tabella de routing intrega e l'ha convinciud la pupart de l'Internet che tucc i adresse che gh'eren dent se podeven ragionger de luu, grazzia a 'n bug che 'l cavava via anca la specificità del CIDR. Di alter esempi inn stad quand che el Pakistan l'ha provad a blocà YouTube e, per eror, l'ha did a tut el mond che el sit a l'era in Pakistan, o quand che di hacker hann violad un AS per podé fà un fals "mining pool" de Dogecoin e robà el premi per i minoeur. Di esempi de Stat s'inn vist in del 2013 quand che Hacking Team, insema ad Aruba, l'ha fad un fals nonzi de originà un prefiss per permeter ai ROS di Carabiner de toeu el controll de 'n so server spia che l'era stad perdud.