Lumbard ucidental Quest articol chì l'è scrivuu in lombard, grafia milanesa.

BOFH ("Bastard Operator From Hell", "Operator de Sistema Bastard de l'Infern") l'è 'n personagg de fantasia inventaa dal Simon Travaglia de mestee amministrator de sistema che 'l sfoga la sò rabbia contra di utent (ciamaa luser) e i sò collegh e dirigent. L'è doperaa anca per indicà i sysadmin che recorden i sò atteggiament.

'Sti stori chi vegniven publegaa in sui forum de Usenet, ma hinn staa anca publegaa in sui giornai de informatega e anca in di liber.

L'è fiancaa del PFY (Pimply-Faced Youth, Giovin cont la faccia brufolosa), termin doperaa per indicà el jutt sistemista.

Storia Modifega

I storij hinn scominciaa in d'ona università, per poeu spostàss in d'on offizi, poeu cambiaa in del 2000. Quand che 'l BOFH l'è irritaa de l'incompetenza di utent, el da sfogh ai sò istint deviaa, e 'l fa di robb comé:

  • Scassà i file di luser
  • Scassà i cunt di luser
  • Moeuv el paviment in manera de fà borlà i luser
  • Fulminà i luser cont di strument per i bestij soravoltaa
  • Sarà a ciav la sala macchin e fà partì el sistema anti foeugh a gas halon
  • Dervì i cassett contra di testicol di luser
  • Doperà i Luser Attitude Readjustment Tool, ossia tucc i robb assee grand e pesant de fà mal ai luser
  • S'ceppà i Red aziendai con l'Etherkiller, ossia on cav Ethernet taccaa a la 220V

Protagonista Modifega

I protagonista pussee tipegh di storij hinn:

  • BOFH, soranomm de Simon
  • PFY, assistent del BOFH, soranomm de Steven
  • El Boss, che 'l muda squasi tucc i storij, perchè el da i dimission o per di incident
  • El CEO, ossia l'amministrator delegaa
  • El capo del dipartiment IT
  • El personal de l'Hell Desk, gioeugh de paroll in tra "Hell", infern, e Help Desk.
  • La secreteria del Boss
  • George, l'omm che 'l netta i offizi

Motto Modifega

El motto del BOFH l'è "Non ex transverso sed deorsum", ossia "minga de travers ma giò", che l'è 'n allusion a la manera pussee bona per suicidàss cont el taj di ven, ossia cont el taj parallel al brasc per ottegnì el dessanguament complet e senza tajà i tendin. El motto el reppresenta che l'attitudin del sysop l'è de fà tuscoss in la manera pussee bona.

Ligamm de foeura Modifega