Lombard Quest articol chì l'è scrivud in lombard, con la Noeuva Ortografia Lombarda

La bandera bianch-celest-bianch (бело-сине-белый флаг in russ) a l'è una bandera doperada in Russia 'me segn de oposizzion al governo del Vladimir Putin dopo de l'invasion russa de l'Ucraina, e donca 'me simbol contra la guerra. La vegn de la bandera de la Russia senza el ross, color sociad al sangh e a la forza militar e autoritaria del Pajes, sgiamò radegad di temp de l'Imperi russ. La regorda anca la veggia bandera de Velikij Novgorod e de la republega de Novgorod.

La bandera

El simbol, vist in varie proteste contra l'invasion e in vari profil internet contrari a la guerra, l'è stad anca ciapad 'me simbol de la Legion "Libertà a la Russia", un grup de russ che 'l combat a fianch di forze armade de l'Ucraina in del Pajes.

Riferiment Modifega

Alter proget Modifega

Vos corelade Modifega