Bataria (eletrotecnega)
|
Quest articol chì l'è scrivud in lombard, con la Noeuva Ortografia Lombarda |
Una bataria (anca bateria o pila) a l'è, in eletrotecnega, un dispositiv che l'è bon de convertì l'energia chimega in energia eletriga, a travers de 'na reazzion de ossid-reduzzion. Fina al 1869, ann de invenzion de la dinamo, a l'è stada l'unega manera cognossuda de prodù energia eletriga per l'om.
Istoregament, se ciamava bataria domà quella fada su de pussee celle, e ogni cella l'era ciamada pila, ma incoeu i termen inn doperad in manera assee intercambiabel. La prima pila comè la cognossom incoeu l'è stada fada su del fisegh lombard Lissander Volta in del 1800, l'inscì ciamada pila del Volta, ma l'era stad no bon de capì fina in fond el fonzionament del sistema, roba che la sarà fada circa 50 agn inanz del Michael Faraday. A nivell prategh a l'è stada la cella del Daniell del 1836 la prima pila doperabel foeura di dimostrazzion, che l'è stada doperada per alimentà i linie telegrafeghe.
Incoeu gh'è vari tipi de batarie, de quelle piscinine che reagissen con l'aria che inn doperade per i aparecc acustegh a quelle pussee grand doperade per i grup che tegnen in pè i gran impiant se la cala la corrent, a passà per i pile alcaline doperade per l'eletronega piscinina e ai batarie ai ion de litio, doperade soratut per l'eletronega pussee granda recaregabela e per i grup de continuità piscinin, e ghe n'è alter pussee specialisteghe.
A bon cunt, gh'hann una energia specifega propi pussee bassa rispet a la pupart di combustibel, però la possibilità de spostài, e di voeulte l'eficienza di generator, i renden aprezzabel rispet a 'n generator.
Riferiment
ModifegaAlter proget
Modifega
Wikiquote el gh'ha dent citazzion de o su Bataria (eletrotecnega)
Wikimedia Commons el gh'ha dent imagin o alter archivi su Bataria (eletrotecnega)
