Battaglia de Piasenza (271)
La Battaglia de Piasenza l'è stada combattuda in del genar del 271 tra l'esrcit roman, comandaa de l'Imperador Aurelian, e i Alemann. La battaglia l'è finida cont ona vittòria del pòpol germanich.
L'imperador roman Aurelian se trovavan lontan de l'Italia con l'esercit, a controllà l'evacuazion di Vandai foeura del territòri imperial dòpo ona campagna vittoriosa, quand i Iutungg, ona tribù di Alemann, hann deciduu de profittà de l'assenza de fòrz a difesa de l'Imperi per taccàll: hinn entraa allora in Rezia, per poeu rivà al lagh de Costanza. L'Aurelian l'è tornaa subit a difend el coeur del sò imperi, e l'ha trovaa i Iutungg arent a la città de Piasenza, che l'era stada appena saccheggiada e brusada.
Al tramont, arent ai bosch piasentin, i òmen de l'Aurelian, che aveven marsciaa di Balcan senza sòsta hinn finii in d'on'imboscada di Iutungg. I sò mòrt de lor hinn staa pròppi tant. L'Historia Augusta la cunta inscì:
|
«L'Aurelian el voreva combatt l'esercit nemis tutt insema, cont el riunì i pròppi fòrz, ma arent a Piasenza l'ha subii ona battuda tal che gh'è mancaa pòcch se l'Imperi roman el sia minga finii. I reson de quella sconfitta hinn staa di moviment sleal e furb di Barbar. Lor, che podeven nò combatt in camp avert, hinn scappaa in d'on bosch profond e quand che l'era quasi sera hann taccaa de sorpresa i nòster soldaa.»
|
(Historia Augusta, Aurelian, 21. 1-3)
|
La notizia de la battaglia l'è rivada a Roma rapidament: la paura che la s'è creada in città l'è inoltra aumentada quand che 'l s'è savuu che i Alemann eren dree a rivà vers la Città Eterma. Quella ròbba chì però l'è minga successa, perchè l'Aurelian l'ha vinciuu i dò battali de Fan e de Pavia.
Bibliografia
Modifega- Watson, Alaric, Aurelian and the Third Century, Routledge, 1999, ISBN 0-415-07248-4, p. 50.