Battalia de Wavre

Quest articol chì l'è scrivuu in lombard, grafia milanesa.

Quell articol chì l'è domà on sbòzz. Se violter sii bon de mettegh dent on quejcòss de puu, preocupeves minga e provégh.

Quella vos chi la gh'ha mìnga dì font o a hinn tròpp pocch. Per piesè, gionta di font a la vos.
Per avè on'ideja di alter vos senza font, vardee chichinscì.

La Battalia de Wavre l'è stada combattuda in de l'istess dì de quella pussee famosa de Waterloo, el desdott de giugn del 1815.

El Napoleon l'aveva ordinaa al Maresciall Emmanuel de Grouchy de mett pression a l'esercit prussian del Blücher, per evità che quell lì el se giontass con quell ingles del Duga de Wellington. El Grouchy però el saveva minga se respettà l'ordin o andà vers el frecass che faseven i cannon, per dàggh man forta a l'imperador.

A la fin l'ha scernii de respettà i ordin e l'ha passaa tutt el dì a combatt cont i sò 33.000 omen contra i 17.000 del general Thielmann, col riessì de fermàll. Ma intant el Blücher l'eva giontaa i sò soldaa a quei de Wellington.
A la fin de la battalia, Grouchy l'aveva vinciuu, ma la soa vittoria la gh'è servida a on bell nagott, perchè i Frances hann perduu a Waterloo.
L'è stada l'ultima battalia di Cent Dì de Napoleon, e anca l'ultima di Guerr Napoleonigh.