Apri il menu principale
Lumbard ucidental Quest articol chì l'è scrivuu in lombard, grafia milanesa.
Bernardin Luin, Madonna cont el Bambin e San Giovannin, 1515. Vienna, Liechtenstein Museum.

El Bernardin Luin (italian: Bernardino Luini; Dumenza, 1481 - Milan, 1532) l'è staa on pitor lombard.
L'è staa vun di pitor pusse important de la Scoeula renassimental lombarda, del grupp di Leonardesch.


Nassuu in d'on paes del Lagh Magior, forsi el s'è formaa 'me pitor a Verona. L'ha lavoraa soratutt in di territori del Ducaa de Milan: i sò oeuver (quader e afresch de ges) se troeuven a Milan (per esempi in del Monastee de San Maurizzi e a Ceravall), Pavia (a la Certosa), Comm (in del Domm), Monscia, Lugan, ma anca in center pussee piscinitt tant 'me Vimodron, Bust Grand, Magianegh (incoeu rion de Lecch), Meda, Legnan, Saronn.
I sò fioeu hann continuaa la soa oeuvera e hinn devegnuu di maester del Manierism lombard.