Blocch automategh a corrent codifegaa

Lumbard ucidental Quest articol chì l'è scrivuu in lombard, grafia milanesa.

El blocch automategh a corrent codifegaa a l'è 'n sistema de blocch automategh doperaa in sui principai lign ferroviari italiann e che 'l permett anca la ripetizion in gabina, grazia a 'n interruzion de la correnta codifegada.

L'è fondaa in sul mandà 'na correnta in sul binari per ogni sezion de blocch, che l'è isolada di àlter per formà on circuitt de binari.

Se la tratta l'è libera el segnal l'è menaa innanz, menter che se 'l treno l'interromp el circuitt e 'l dà l'orden al segnal prima de mettess a via impedida, che a soa voeulta el da orden a quell prima de mettes al giald.

La version bas l'è a quatter codes e la fonziona a 50 Hz, la pò avègh quatter codes e la permètt al massim 180 km/h:

  • 270: via libera
  • 180: avvis de segnal restrittiv
  • 120: reduzion de velocità
  • 75: via impedida
  • AC: se la gh'è no la correnta, la sezion l'è ancamò impegnada o gh'è on guast. El fa partì la frenadura d'emergenza

In sui lign pussee svelt, compagn de la Direttissima, se gionta 'na modulazion a 178 Hz che la permètt de rivà a 9 codes e a 250 km/h, el massim de la red italiana classega. I codes giontaa a hinn:

  • 120*: reduzion de velocità a 100 km/h
  • 120**: reduzion de velocità a 130 km/h (doperaa no)
  • 150*: reduzion de velocità a 150 per lavorà
  • 270*: velocità massima de 230 km/h
  • 270**: super verd, l'è possibel rivà a 250 km/h

RiferimentModifega

Vos corelaaModifega