Bosch Sarzé
|
|
Quel articul chì l'è scrivüü in Lumbard, cun l'urtugrafia insübrica ünificada. |
El Busch Cerzin (Bosch Sarzé in del dialet lucal; Monte Ceresino in italian) l'è un col de l'Ultrepò Paves. A l'è alt 433 meter.
L'è vün di prim col de la Pruvincia de Pavia se se partiss del nord e l'è sitüaa in sü la scima de dò valad: quela del Ril (che la va giò fina a Castegg) e quela del Ril San Zen, che la riva fina a Cruvin. Inultra el limita la val del riaa Cupa.
El ciapa el nom del busch de latiföj (rugur e castegn, cunt un sotbusch de röv) che le quata. Sura i sò fianch a gh'è di vignee.
Ai pee del col se tröven:
- a est Calvignan.
- a nord San Bias (fraziun de Castegg).
- a ovest Capeleta (fraziun de Burgh Pariö).
- a süd alter lucalità de Calvignan, tra i quai la gh'è quela che la se ciama Cà Cerzin.
Vöna di particularità de quela culina chì l'è che la se pò vedè quasi depertüt in de la Pruvincia de Pavia, e anca un poo föra di sò cunfin.