Branz (formai)

Quell articol qì l'è scrivud in Lombard, cond l'ortografia Scriver Lombard.

Ol Branz l'è un formai fait ind i Alp Orobie, intra i plu antig e tipeg de qelle bande. Al ciapa ol nom de l'omonem pais de la Volta Vall Brembana, indove l'è nassida la produzion tradizional e ol lait intreg de vaca l'è lavorad ind la Lateria Social de Branz Casearia. Incœ ol formai Branz l'è produxid anc in Vall Imagna e in Vall Serina, ind i comun de Selvin e Aviadec. Ol Branz l'è dent ind la lesta dei prodots agroalimentar tradizionai de la Rejon Lombardia (nom ofiçal in italian: Branzi) e al respond ai regole de produzion de "Bergem Citaa dei Mella Savor" (una marca de la CCIAA).

Formai Tipeg Branz (FTB)
Origen
Pòst d'origen	Italia
Region	Lombardia
Area de produzion	Volta Vall Brembana
Dettaj
Categoria	formai
Reconossiment	P.A.T.

Carateristege prencepai

• Formai a pasta semi-coita, a forma de cilinder.
• Diameter: 40-50 centimeter.
• Pis: de 10 a 12 qili.
• Superfix lateral: a "V", lijerment concav, l'è volt 9 centimeter.
• Crosta: lessa, sutil e elastega, de color jald sfumad.
• Pasta: mulxina de color jald paia.
• Distribuzion dei œgg: sutil, regolar e spessa.
• Savor: dolç e delicad; con la stajonadura al deventa plussee marcad, vers ol picant.
• Odor: caraterizad dei essenze vejetai ind i foraj.

Conservazion

Ol marudar l'è fondamental per la qualitaa del formai e l'è fait in ambients climatizads, con temperadura e umiditaa controllade. I forme i è revoltade ogne semana, netade con brœs'cie e raspe e tratade per protejir la crosta.

• Temp de stagionadura: 60 dé per ol prodot fresc, de 6 a 7 mis per qell stajonad, fina a de plu de un ann per ol stra-vegg.
• Marudazion: ambient con temperadura incirca intra 8 e 9°C e umiditaa 90%.