Lombard Quest articol chì l'è scrivud in lombard, con la Noeuva Ortografia Lombarda
bussola Disambiguazión – Se te see dree a cercà la regiun storega, varda Lombardia storega.
Lombardia
Rejon
Lombardia - Bandera Lombardia - Stema
(detai) (detai)
Lombardia - Sœmeanza
Dats aministrativ
Stat
Flag of Italy.svg
Italia
Capolœg
Flag of Milan.svg
Milan
Nassida 16 maj 1970[1]
Politega
President Attilio Fontana
(26 marz 2018)
Orgen lejislativ Consili regional de la Lombardia
Territore
Coordinade 45°39′N 9°57′E / 45.65°N 9.95°E45.65; 9.95
OSM 44879
Superfix 23 863,65 km²
Abitants 10 067 494 ab.
(2019)
Densitaa 421.88 ab./km²
Confin Canton Tesin, Canton Grisun, Trentin-Sudtirol, Veneto, Emilia-Romagna e Piemont
Fus orari UTC+01:00 e UTC+02:00
Varie
Codex ISO 3166 IT-25
Codex ISTAT 03
Codex catastal
Cl. climatega
Cl. sismega
Localizazion
Lombardia - Localizazion
Sit istituzional
Wikiquote-logo.svg
«Questa Lumbardia inscì bela, cun tüt el lüssu del so verd, i so richez e quel urizont che'l finiss mai»

La Lombardia (parnonziad [lumbar'dia] o [lombar'dea], istess in Italian) l'è una region de l'Altitalia che la gh'ha una superfis de 23.861 km2 e una popolazzion de 9'9730397 abitant (2013).

La confina cont i region italiane del Piemont a ovest, del Veneto a est, de l'Emilia-Romagna a sud e del Trentin-Süd Tirol a nordest; a setentrion la confina con la Svizzera, cont i canton Tesin e Grison.

StoriaModifiché

  Per savenn pussee, varda l'articol Lombardia storega.

Preistoria, Roma e i GermaneghModifiché

La Lombardia l'è abitada di temp de la preistoria di popolazzion nativ, che inn stad poeu sostituid di etrusch prima e di celt poeu. Inn rivad poeu i roman poch prima del nass del Cristo e ghe resten fina al 400/500 dopo de Cristo: il del fratemp Milan a l'è 'n important center de l'Imperi, tant che l'è capital de l'Imperi Roman de Ocident e lilinscì l'è firmad l'Edit de Milan che 'l tolera la religion cristiana.

Borlada Roma ghe riven i Lombard antigh, che han dad el nom a la Region, e la zona la finis sota el control del Sacher Roman Imperi del Carlo Magn: in del fratemp i Lombard germanegh se mes'cen ai popolazzion latin che ghe seren prima e la popolazzion la taca a parlà 'na lengua romanza, un volgar che l'è vun di prim sbozz de la lengua lombarda.

I Comun e la Liga LombardaModifiché

Intorna a l'an 1000 i Lombard se organizzen in forma comunal, cioè ogni granda cità l'era pu o manch autonoma e sotaponuda a l'Imperi: quela situazzion de autonomia la va minga ben al Federigh Barbarossa che 'l moeuv guera ai comun che se lien in la Liga Lombarda e riven a bat l'Imperi e a garantìss l'autogoverno in la pas de Costanza.

El period di Signorie e 'l DucadModifiché

'Sta Liga la resta in pee fina al 1250, quand che in la pupart di comun tachen a desvilupàss i signorie, cioè di governi in forma de nobiltà ligad a di famili important. La pussee importanta l'è quella di Vescont, che la deventa poeu familia ducala con la fondazzion del Ducad de Milan e sota el Gian Galeazz Vescont la riva a dominà la pupart de la Lombardia d'incoeu e squasi tuta la Lombardia storega.

I sò ered inn manch fortunad e perden part del domini, fina a rivà domà a l'Insubria, cont el perder de la Lombardia orientala vers la Republega de Venezzia e di alter zone vers di alter governi.

La fin de l'independenzaModifiché

In del 1453 la riva al trono la familia di Sforza, che la da gran splendor coltural al Ducad, ma che intorna al 1500 la forniss e la passa al Regn de Franza, per circa 30 agn, e poeu ai Asborgh de Spagna, in d'on period regordaa per el malgoverno, e intorna al 1700 a quej d'Austria, che se demostren pussee boni e con la Maria Teresa d'Austria se renden protagonista di reforme important compagn del cadaster teresian e di prim razionalizzazzion di comun.

NapoleonModifiché

In del 1797 la Lombardia la passa sota el regn del Napoleon e i color de la Milizia urbana meneghina saran a la bas del Tricolor catad foeura del leader frances 'me bandera d'Italia. I Lombard, in principi ben orientad vers el noeuv governo, se mostren despess indiferent dopo o adiritura contrari, come se pò lenger in di poesie del Carlo Porta dedicad al Giuseppe Prina, poeu brutalment mazzad di milanes in del 1814, o in Paracar che scappee de Lombardia.

RestaverazzionModifiché

Con la Restaverazzion i austriegh tornen in possess de la Lombardia orientala e anca del Veneto e fonden el Regn Lombard-Veneto. In del 1848 i milanes se ribelen a l'Austria, ma infina Radetzky l'è bon de tornà a governà del Castel Sforzesch.

ItaliaModifiché

Region LombardiaModifiché

In del 1970 a l'è istituida ofizzialment la Region Lombardia 'me Region a Statut ordinari de la Republega Italiana.

Dal 2015 a l'è vert on percors per domandàgh al Stat pussee autonomia comé da articol 116 de la Costituzion. In del 22 de otober del 2017 l'è staa votaa 'l referendum autonomista, che l'ha vest ona vitoria del . El 28 de fevrer del 2018 Maroni l'ha firmaa l'accord col govern per fà partì 'l process.[2]

GeografiaModifiché

El sò teritori l'è formad da una part de montagna a nòrd, cont i Alp e i Prealp e da un tòch de la Pianura Padana a sud; el canton de sudòvest (Provincia de Pavia) el riva a tocà i montagn de l'Apenin.

La Lombardia l'è rica de aqua: gh'è tanc fium che vegnen giò di montagn e gh'è anca di lagh, che han ciapad el post di giazzer che gh'eren in di ann indree. Tra i fium, i pusee gròss inn el , l'Ada, el Tisin, l'Òli, el Mens, el Lamber, el Bremb, el Seri; i lagh i pussee important inn quei de Còmm, Lugan, Garda, Magior, Isee.

El clima l'è putost temperad: d'invern el fà un poo pussee fregg che in di cost del Mar Mediterani, inveci in estad la temperadura l'è l'istessa. In di montagn el clima l'è de tipo alpin, pussee fresch che in pianira.

La Lombardia l'è piena de gent (l'è la segonda in Italia per densità de popolazzion, dopo de la Campania); tuta la zona intorna a Milan la gh'ha dent pussee de quater milion de abitant, e la sò conurbazzion la gh'ha ses million e mezz; ma anca el rest de la pianura l'è bell pien, cont un mugg de cità e paes. La part de montagna l'è inveci pussee voeuja, foeura che in di valad.

Ministrazzion e politicaModifiché

  Per savenn pussee, varda l'articol Consili Regional de la Lombardia.

La Lombardia l'è spartida in dodes provincc e 1.546 comun (el pussee popolad l'è quel de Milan, quel men popolad l'è Morteron, in Provincia de Lecch, sòta al Resegon).

La Lombardia l'è ona region a statut ordinari, e l'è governada da una Gionta; el president incoeu l'è el Attilio Fontana.

Abitant e superfis di province de la Lombardia (31/12/2013)
Nom Popolazzion Superfis
Provincia de Berghem [BG] 1.116.248 2.723
Provincia de Bressa [BS] 1.268.455 4.783
Provincia de Com [CO] 599.204 1.288
Provincia de Cremona [CR] 358.347 1.772
Provincia de Lecch [LC] 337.380 816
Provincia de Lod [LO] 230.198 782
Provincia de Mantoa [MN] 412.292 2.339
Provincia de Milan [MI] 3.196.825 1.575
Provincia de Monscia e Brianza [MB] 878.267 405
Provincia de Pavia [PV] 545.888 2.965
Provincia de Sondri [SO] 180.358 3.212
Provincia de Vares [VA] 890.768 1.199


Lengua, coltura e tradizzionModifiché


Galeria de fotoModifiché

BibliografiaModifiché

  1. (IT) Legge 16 maggio 1970, n. 281
  2. (IT) Ansa - Autonomia, Maroni: giornata storica
  Region d'Italia  
AbruzzBasilicadaCalabriaCampaniaEmilia-RomagnaFriul-Venezia GiuliaLazziLiguriaLombardiaMarchMolisPiemontPugliaSardegnaSiciliaToscanaTrentin-Sud TiroeuUmbriaVal d'AòstaVeneto