Apri il menu principale
Lumbard ucidental Quest articol chì l'è scrivuu in lombard, grafia milanesa.

El broeuj elettoral l'è 'na procedera illegala per falsà el resultaa de 'na votazion.

La parolla la vegn da la lengua veneta, in quij agn la nobiltà povera la vendeva i sò vot al Maggior Consili, che gh'even el scagn per diritt ereditari.

Broeuj in del mondModifica

ItaliaModifica

In Italia gh'è staa di accus de broeuj in di plebiscitt per l'annession al Regn d'Italia, a suffragi censitari e, in di tocch d'Italia, in clima de intimidazion, che han avuu di percentuaj de no assee bass.

In del Referendum in su la forma del Stat del 1948 i monarchegh i gh'ha daa la colpa de la sò sconfitta a di broeuj, e in del 1990 la trasmission Matrix, in d'on esperiment social, l'ha daa la colpa al Re che l'ha faa ving la Republica per menà no a ona guerra civil.

Ai elezion politegh del 2006 el Silvi Berluscon l'ha daa la colpa de la soa sconfitta a di broeuj in favor de la lista del Romano Prodi, primma voeulta che 'sta accusa l'è stada movuda de on esponent del governo in caregh.

Stat UniiModifica

Ai elezion del 2000 la Florida l'è stada determinanta per la vittoria del George W. Bush, de pocch vot, e gh'è staa di fort sospett de broeuj per fà votà no i minoranz e fà cambià i vot.

El President elegiuu di Stat Unii Donald Trump, che l'ha vengiuu el Consili Elettoral, l'ha daa la colpa de avè perduu el vot popolar a di immigraa irregolar che han votaa illegalment.