Cubewà
|
|
Chest artícol a l'è scricc in Lumbàrt, ortograféa orientàl unificàda. |
'N astronomìa, se ghe dis cubewà a töcc chèi ogècc ruciùs de la Fasa de Kuiper che gìra entùren al Sul 'ntra le 39,4 Unità Astronomiche de distànsa média del Sul e le 47,7 UA[1], e che prezènta mìa fenòmegn de resunànsa orbitàla coi pianéti del sistéma solàr estèrno. I vé ciamàcc apò a ogècc clàsich de la fàsa de Kuiper.
I ciàpa el nòm del prim ogèt transnetünià scuprìt (dòpo Plutone e Caronte) endèl 1992 del David C. Jewitt e Jane X. Luu a l'oservatóre de Mauna Kea, endele Hawaii. Chèsto ogèt l'ìa stat ciamàt (15760) 1992 QB1 segont le régole de nomencladüra adotàde de la IAU e i öltem tré caràèter de la sìgla, lizìcc en ingés i sùna come /kju:bi wʌn/ che a sò ólta el pöl véser ri-scriìt come Cubewan.
Haumea (43,34 UA), e Makemake (45,79 UA) i è i ogècc piö grancc de la fàsa de Kuiper clàsica.
Riferimèncc
Modifega- ↑ M. W. Buie, R. L. Millis, L. H. Wasserman, J. L. Elliot, S. D. Kern, K. B. Clancy, E. I. Chiang, A. B. Jordan, K. J. Meech, R. M. Wagner, D. E. Trilling. Procedures, Resources and Selected Results of the Deep Ecliptic Survey. 2005. URL consultad in data 7 de setèmber del 2006.