Cafè Martini
|
Quest articol chì l'è scrivud in lombard, con la Noeuva Ortografia Lombarda |
El cafè Martini a l'era un storegh cafè de Milan vert del 1832 in tra i Cà Rot e la corsia del Giardin: arent a la Scala, ghe andaven artista, patriota, descaviad e anca impresari del teater.
L'è mitud in mez ai Cinch Giornade, con la barricada fada di so tavolit oltra che di scagnei de la Scala, e l'è ciamad in l'euforia dopo che i austriegh inn caciad via "bar di Cinch Giornade": a la fin, però, el deventa el sit che se retroven i italianista moderad, pussee vesin a la monarchia, e ghe andava anca el Giuseppe Verdi.
Del 1858 a l'è tirad sgiò insì de slargà la piazza de la Scala: a l'è spostad de un camerer in d'un alter sit semper in la piazza, ma el sarà pu in l'istess stil. Prim bar milanes a vesser inluminad con la corrent eletriga, del 1883, l'è serrad del 1905 per fà su la noeuva sed de la Banca Comercial Italiana.