Cagheta
|
Quest articol chì l'è scrivud in lombard, con la Noeuva Ortografia Lombarda |
La cagheta (in del parlà medegh diarrea) a l'è 'n problema del cagà che 'l gh'è quand che se caga pussee e la merda a l'è assee liquida. La po vegnì per via de 'n infezzion - de virus, bateri, fonsg o parassita - o anca per via de problema ai intestin midem, compagn de la celiachia, de la sindrome del colon irritabel o de l'intolleranza al latosi. Desgià che, se la va inanz tant, la po menà a la disidratazzion in di cas pussee gram l'è consiliad idratà, per boca o vena, quei che ghe l'hann, e in del mond che l'è dree a desvilupàss l'è vuna di prime cause de mort, soratut in tra i fiolit.
Per prevegnìlla l'è ben a lavàss i man cont el savon, disinfetà el mangià e bever aqua neta. Per i fiolit l'è consiliad fà el vacin contra el rotavirus, che l'è el virus che 'l provoca la pupart - squasi el 40% - di cas de cagheta, soratut in di Pajes men sciori.
Riferiment
ModifegaAlter proget
Modifega
Wikiquote el gh'ha dent citazzion de o su cagheta
Wikimedia Commons el gh'ha dent imagin o alter archivi su cagheta
