Chest artícol a l'è scricc in Lumbàrt, ortograféa orientàl unificàda.


El càles l'è 'l prìm vertezèl del pereànse endèl fiùr de le Angiospermae. L'è furmàt de elemèncc fiurài ciamàcc sépali che de sòlet i è de culùr vért.

Càles gamosépalo del Lamium album


A segónt de la fuziù dei sépali 'ntra de lur, se pöl defenéser du tìpi de càles:

  • càles gamosépalo: quan che i sépali i è saldàcc ensèma alméno a la bàze e i fùrma en elemènt fiuràl ünech;
  • calice dialisépalo: quan che i sépali i è lìber, enserìcc a giü a giü söl resetàcol.


A segónt de la maniéra de svelöpàs el pöl véser definìt de tré tìpi:

  • càduco (el se destàca prèst)
  • persistènt (el rèsta 'nfìna a la formasiù del fröt)
  • acrescènt (el se 'ngrandés enfìna a furmà 'n invòlucro membranùs töt entùren al fröt)

A segónt de la fùrma el pöl véser definìt come:

  • cilìndrich
  • campanulàt
  • urceolàt
  • isigulùs (de isìga)
  • galeàt (a fùrma de èlmo)