Campanula petraea
|
|
Chest artícol a l'è scricc in Lumbàrt, ortograféa orientàl unificàda. |
Campanula petraea l'è 'na piànta de dimensiù picinìne de la famìa de le Campanulaceae. L'è 'na spéce ràra, e localizàda, se la tróa apéna en póche stasiù sparnegàde 'ntra le Prealpi Verunéze ( M. Pastello e M. Baldo) e 'ndèl Trentì.
| Campanula petraea | ||||||||||||||
|---|---|---|---|---|---|---|---|---|---|---|---|---|---|---|
 Campanula petraea
| ||||||||||||||
| Classifigazion sientífiga | ||||||||||||||
| ||||||||||||||
| Nomm binomial | ||||||||||||||
| Campanula petraea L. (1759) |
Descrisiù
ModifegaFùrma Biològica: H scap - Emicriptòfite scapùze. L'è 'na pianta perène che g'ha 'n rizòma lignùs. La rìa de sòlet 'ntra i 20e i 60 ghèi de altèsa. La pöl vìga el gamp sèmpe o ramificàt a boscaì, encürvàt e delicàt.
Le fòie i è de culùr vért-zaldulì e le g'ha 'na pelüria bianchina sö la fàcia de l'envèrs. I è oblanceolàde-spatolàde. Chèle bazài le g'ha 'l gambì, coo l'òrlo crenulàt; chèle del gamp piö pesène, lanceolàde strète, sèsii, co l'òrlo crenulàt apò a lure. I fiùr, nömerùs, reünìcc en capulì spès, sférich e terminài. El càles l'è pilùs, coi décc otùzi, lónch compàgn del tübo de la coròla. La coròla l'è campanulàda, elütàda, de culùr biach-zaldì, lónga presapóch 10-12 mm. El stil el vànsa fò del dópe presapóch de la coròla.
Hàbitat
ModifegaCrèpe de préde e córne calcàree, sèche e mür, la crès enfìna a presapóch 1100 méter s.l.m. Gh'ìa 'na stasiù segnalàda pò a per el teretóre de la pruvìncia de Brèsa ma l'è mìa piö stat retroàda.
Sinònim
Modifega- Campanula albicans (Buser) Harms
- Campanula cephalaria var. gnaphalophylla Vuk.
- Tracheliopsis albicans Buser
- Tracheliopsis petraea (L.) Buser[1]
Atensiù: gh'è dei oter taxon che porta el stès nòm ma i è cunsideràcc mìa legìtem, i se referés a dele ótre piànte de la famìa de le Campanulaceae e i sarès:
- Campanula petraea Hablitz (sinònim ilegìtim de Campanula bononiensis L.
- Campanula petraea All. (sinònim ilegìtim de Campanula glomerata subsp. glomerata
- Campanula petraea Zanted. ex Moretti (sinònim ilegìtim de Campanula elatinoides Moretti.
- Campanula petraea Kotschy ex A.DC. (sinònim mìa vàlit de Campanula involucrata Aucher ex A.DC.[2]