Cardinalità del continov

Quest articol chì l'è scrivud in lombard, con la Noeuva Ortografia Lombarda

La cardinalità del continov a l'è la cardinalità de l'insema di numer reai ($\mathbb {R}$), ciamad apont el continov. A l'è pussee granda de la cardinalità del numerabil, e per l'ipotesi del continov a gh'è nissun insema con cardinalità in tra quella del continov e quella del numerabil, donca la cardinalità del continov a l'è l'istessa de l'insema di part de l'insema di numer naturai $\mathbb {N}$.

De sigur quell gat chì el gh'ha de mej de fà che capì la cardinalità del continov

La cardinalità del continov a l'è propi pussee granda rispet a quella del numerabil, in tra quajsevoeul numer real $a$ e $b$ a gh'è 'n infinità de numer reai. Per quella reson chi a l'è considerada una cardinalità minga numerabel.

Di esempi de insema con quella cardinalità chi inn l'insema di numer reai, ogni intervall in $\mathbb {R}$, i numer irrazzionai, i numer trascendent, l'insema de Cantor, ogni insema euclidian in la forma $\mathbb {R} ^{n}$, in tra de lor i numer compless e l'insema di succession reai e naturai.

Bibliografia

• Paul Halmos, Naive set theory. Princeton, NJ: D. Van Nostrand Company, 1960. Ristampato da Springer-Verlag, New York, 1974. ISBN 0-387-90092-6 (Springer-Verlag edition).