Carlo Vescont de Parma
El Carlo Vescont de Parma (Milan, november 1359 - agost 1403) a l'è staa 'n nobel milanes, scior de Parma.
Biografia Modifega
Fioeu del Bernabò Vescont e de la Regina de la Scala, in del 1379 l'otegn in la division fada del pader di domini milanes Cremona, Parma e Borgh San Donnin. Promess marii a la Valentina Vesconta, fioeula del cusin Gian Galeazz Vescont, in del 1382 el se marida con la Beatrice d'Armagnac, fioeula del Giovann, de che el gh'ha avuu quatter fioeu.
Dopo del golpe del Gian Galeazz a l'è esiliaa a Verona, menter la miee in Piemont, di Savoja. In del 1391 el se accorda cont el Gian Galeazz per renonzià a tucc i sò dirizz in cambi de 'n vitalizzi.