Lumbard ucidental Quest articol chì l'è scrivuu in lombard, grafia milanesa.

La Cassina de Donaa del Cont (in italian Cascina Donato del Conte) a l'è 'na località de 11 abitant part del comun de Gasgian, vers Biaa.

L'oratori

Storia Modifega

Antigh comun del milanes, se pensa che 'l sò primm feudatari, che 'l gh'ha daa el nomm longh, el sia staa el Donaa del Cont, servitor del Ducaa de Milan condanaa a mort sotta el Cicch Simonetta perchè, a detta soa, l'avaria ordii 'n colp de Stat contra del Duca.

A bon cunt in la gesa del Pajes la se troeuva 'na lastra pussee noeuva intitolada a 'n omomen mecenaa, donca se ritegn che i Del Cont sien restaa feudatari de la zona, anca se i avarìen recompraa.

In del Cadaster Teresian a l'è dii che l'éra faa de 2042 pertegh de terren, per la pupart del Comun, che a l'epoca el partegniva a la Piev de Rosaa: el censiment teresian del 1771 el dis che gh'hinn denter 506 personn e, a la proclamazion del Regn d'Italia in del 1805 a hinn 118. In del 1809 a l'è taccaa a Fagnan che, in del 1811 a l'è taccaa a Gasgian.

A l'è ripristinaa di Austriegh che, però, in del 1853 el tacchen an'mò a Fagnan.

A la fin del Vottcent i abitant eren 76, spartii in 12 famili: El boom econòmich l'ha menaa a 'n general despopolàss e incoeu gh'hinn trii famili cont 11 abitant.

Edifizzi Modifega

In la cassina el gh'è l'Oratori de la Beada Vergin Maria, 'n oratòri del 1400 faa su per orden del feudatari, terminaa in l'agost del 1482. La conserva 'na part di affresch originai.

Riferiment Modifega