Certifegad COVID digital de l'UE

Quest articol chì l'è scrivud in lombard, con la Noeuva Ortografia Lombarda

El Certifegad COVID digital de l'UE, ciamad popolarment pass verd, a l'è un ducument digital standardizad de l'Union europea che 'l certifega che quell che 'l ghe l'ha a l'è stad vacinad contra el SARS-CoV-2 o l'è guarid, o ben l'ha fad un tampon e l'è negativ al virus.

El certifegad in su 'n telefonin

El certifegad a l'è relassad a gratis sia in su palper che in formad eletronegh e 'l gh'ha un codes QR per controllà se l'è ver e l'è an'mò bon.

Obietiv

L'obietiv del certifegad a l'è quell de permeter la libera circolazzion di sgent in tra i Stat de l'Union europea dopo che 'l Covid l'ha menad a vari proibizzion de viaggià in tra i confin interni de l'Union.

In teoria quei che gh'hann el certifegad poden havégh nissuna limitazzion a la circolazzion e poden no vesser mitud in quarantena, ma in pratega i Stat poden meter di so limitazzion per di reson de salut publega.

Riferiment

• Guidelines on Technical Specifications for EU Digital COVID Certificates JSON Schema Specification
• Comission Europea

Alter proget

Altri progetti

• Wikiquote
• Wikimedia Commons

• Wikiquote el gh'ha dent citazzion de o su Certifegad COVID digital de l'UE
• Wikimedia Commons el gh'ha dent imagin o alter archivi su Certifegad COVID digital de l'UE

Vos corelade

• Green Pass (Israell)
• Certifegad internazzional de vacinazzion o profilassi