Chisulì

Quest articul chì l'è scriìt in lumbart, grafia cremàsca.

Chisulì
Origen
Pòst d'origen	Italia
Region	Lombardia
Area de produzion	Crèma e cremàsch
Dettaj
Categoria	dolz
Settor	duls

I chisulì o chisói l'è balutìne dulse che sa prepàra a Crèma e 'n dal cremàsch.

Stòria

L'è 'n piàt da la tradisiù paiźàna e sa pól mia saì da che banda al vé.

I chisulì i vé sémpre preparàcc an dal témp dal carneàl cum'è sa fa con i struffoli a Nàpoli o le ciàciere.

Ingrédient

• la farìna
• an óf
• la rösca d'an limù
• al leàt da bìra
• al lacc
• la sal
• al bicarbunàt
• l'öa pàsa o di tuchelì da póm
• l'óle per frìs

Preparasìù

L'è 'n piàt fàcil da preparà: sa mèt ansèma töcc i ingrediént per furmà 'na pastèla mòla.

Sa càta sö la pastèla con an cügià per ólta e la sa sbàt déte an da l'óle bèl cóld. Vè fóra, isé, 'na balutìna mòrbida, duràda e prüfömada.

'Na ólta che i sa vultàt i chisulì 'n da 'na bàźgia sa mèt sùra al söcher col vèl.