Chocabeck (cansù)

Chest artícol a l'è scricc in Lumbàrt, ortograféa orientàl unificàda.

Chocabeck l'è öna cansù del cantànt emilià Zucchero che l'è egnìda fò 'l 16 de setèmber del 2011 e l'è ü sìngol, chèl di quàter tiràt fò dal àlbum che 'l gh'à l'istès nòm, Chocabeck. La cansù la düra 4 minücc e 47 segóncc.

Ol tìtol

Ol tìtol de la cansù 'l regórda öna manèra de dì emiliàna che l'è restàda 'n del cör del cantànt e che 'l Adelmo Fornaciari, piö cognusìt col nòm d'art de Zucchero, 'l se sentìa respónt da sò pàder quàndo de s-cèt 'l gh'èra fam e 'l domandàa se gh'èra amò ergóta de mèt sóta i décc, chocabeck l'éra öna manéra per dìga che restàa piö negót e che a la lètera la öl dì de fà ciocà 'l bèch.

Ol vìdeo

Ol vìdeo de Chocabeck l'è stài giràt in de la piàsa de Roccabianca 'n pruìnsa de Pàrma.