Cimiteri Monumental (Milan)
El Cimiteri Monumental l'è on grand cimiteri de Milan che l'è staa concepii de l'architett Carl Maciachini in del 1866 e che g'ha un fracch de statov, de templi grecch e de obelisch.
El Famedio (che in latin el voeur dì “el templi de la fama”) l'è l'entrada principal del Cimiteri Monumental. Ona vòlta el gh'eva de vess una gesa, ma poeu l'è diventaa el sit in dov'hinn sepolt e regordaa i personagg pussee important de l'Italia. Per esempi a gh'è ona targa che la regorda el Giusepp Verdi, che l'è sepolt nò in del cimiteri, ma in de la Cà de Repos di Musicisti che l'ha fondaa lù. In de la Capela Palanti a gh'è un monument comemorativ di 800 milanes che hinn mòrt denter i lager nazista. El cimiteri el g'ha anca ona sezion special per i persònn che hinn nò de religion catòlega.[1]
Riferiment
Modifega- ↑ Visit to the famous Milan cemetery Cimitero Monumentale in Italy