Cimiteri ebraich (Corresg)
|
Quest articol chì l'è scrivud in lombard, con la Noeuva Ortografia Lombarda |
El Cimiteri ebraich de Corresg a l'è un fopon per i sgiudee fad su in la segonda mità del secol XIX tacad a quell cristian de la Gesa de la Madona de la Roeusa.[1]
Storia
ModifegaUn prim ciminteri per i sgiudee l'era stad fad in del center de la cità, ma incoeu el se sa no de precis indova l'era.[2] Del ses'cent a l'è sostituid de 'n noeuv fopon, che l'era stad serrad per di reson de neteza urbana, desgià che l'era dent i mure del cinchcent, arent a la Rocheta, e l'era squasi pien: donca, i sgiudee domanden e otegnen el permess de fànn su vun noeuv arent a la Gesa de la Madona de la Roeusa[1], in su 'n terren che ghe partegniva sgiamò a lor.[2]
Vers la fin di agn '40 del '900 el fopon cristian a l'è tirad via, menter quell sgiudee l'è bandonad poch dopo, con la darrera sepoltura del 1958.[2] Vers la fin del secol a gh'è 'n sforz per recuverà l'aspet storegh e in la cambra mortuaria l'è mituda una mostra permanenta in su la comunità ebraica corresgesa fada in collaborazzion con la comunità ebraica de Modena.[1]
Incoeu l'è part del "Musee global" de la cità, inizziativa scominciada del 1999 cont el dervì ancamò del Musee civegh.[1]