Circolazion teòrica de l'Hadley

Lumbard ucidental Quest articol chì l'è scrivuu in lombard, grafia milanesa.

El modèll de la circolazion teòrica de l’Hadley a l’è on modèll teòrich segond el qual la circolazion convettiva terrèster l’è fada su d’ona cèllula ùnega (cèllula de l’Hadley) che la se forma per via del eccèss de calor sora l’equator che l’è scaldàa pussée de la radiazion solà e de la scarsità de radizion ai pòli; per quèlla resón chì se ingeneren di mòti ascendent de origin tèrmica sora l’equator, e discendent sora i pòli. Gh’è poeu di corrent orizzontal che viaggen tra i pòli e l’equator a sarà su el circol o ben la cèllula de l’Hadley. [1]. Quèlla circolazion chì, però l’è domà teòrica de già che a caosa de la fòrza del Coriolis la corrent in quòta che la part de l’equator e la va vèrs i pòli, ai 30° de latitudin la diventa quasi parallela ai paralleli] e a quèlla latitudin chì l’è obligada a ‘ndà giò vèrs el soeul. La cèllula de l'Hadley, in quèlla manera chì, inveci che rivàgh fin ai pòli, la se sarà su ai 30° de latitudin (zòn tropicaj). [2]

RiferimentModifiché

  1. Mario Giuliacci (2010). Manuale di meteorologia (in italian). Alpha Test, 354-356. ISBN 88-483-1168-7. 
  2. Mario Giuliacci (2010). Manuale di meteorologia (in italian). Alpha Test, 356. ISBN 88-483-1168-7.