Civilization IV: Beyond the Sword

Quest articol chì l'è scrivuu in lombard, grafia milanesa.

Quella vos chi la gh'ha mìnga dì font o a hinn tròpp pocch. Per piesè, gionta di font a la vos.
Per avè on'ideja di alter vos senza font, vardee chichinscì.

Civilization IV: Beyond the Sword a l'è la segonda e ultima espansion de Civilization IV. Comè da nomm, che in ingles el voeur dì "oltra de la spada", la gionta di element pussee per rivà a la vittoria che hinn no ligaa a la guerra. A hinn giontaa anca 10 noeuv civiltà e 16 leader.

Giont

Corporazion

BTS el gionta i corporazion, ossia di sociazion economich che se spanteghen 'me i religion e dann di benefit economich e di resors. Per fàj su a l'è necessari doperà on grand personagg, e se pòden bloccà cont el Mercantilism (domà quej forestee) o cont la Proprietà Statala (tucc).

Spionagg

El spionagg, element important di alter Civilization, a l'è staa giontaa in questa edizion. El spionagg a l'è sia automatich, cont di pontegg che poeu menen a di vantagg o a man cont di spij che se manden in territori forestee.

Cont ona Granda Spia se pò fà su el Scotland Yard.

Event random

A hinn giontaa i event random che fann guadagnà o perd danee ai giugador, destrughen element o dann di mission de fà.

Avvio avanzaa

A l'è possibil fà partì 'na partida pussee innanz in del temp e crompà poeu i città e i unità.

Vittoria spaziala

Per vincc cont el spazi a l'è necessari rivà ad Alpha Centauri, no domà partì. A l'è donca possibil fà di navett che sgoren pussee a la svelta de quej avversari.

Palazz apostolich

Per l'epoca antiga el Palazz Apostolich el sostituiss l'ONU per quej che partegnen a 'na determinada religion.

Design

I palazz e i unità i gh'ha on disegn different de region a region.

Mod

El gioeugh el sortiss cont 11 scenari, tucc valutaa ben foeura che per Final Frontier, mod spaziala. El gh'ha avuu reguard special la mod de la comunità Rhye's and Fall of Civilization , che la vedeva proppi i civiltà partì de la soa nassita real. A bon cunt la bona moddabilità del gioeugh l'ha menaa ad on mugg de mod desviluppaa.