Complesso del Primo Maggio
Complesso del Primo Maggio l'è ona canzon del grupp milanes Elio e le Storie Tese, che l'è stada pubblicada 'me singol el 12 de april del 2013, per poeu finì in del disch L'Album Biango.
La canzon la toeu in gir i vari categorii de artista che se esibissen al Concert del Primm de Magg a Piazza San Giovanni (Roma), soratutt quei canta dopo mezzdì, prima di cantant famos (che de solit i canten la sira).
Vegnen regordaa Goran Bregović e la soa musega balcanega, i Linea 77 ('me esempi di grupp che gh'hann pussee d'on cantant), Davide Van de Sfroos (che, insemma ai "compless pujes" el representa i grupp che parlen del territori) e i Queen.
A on certo pont el canta anca l'Eugenio Finardi, che 'l fa ona citazion de la soa canzon del 1976 Non è nel cuore.
La canzon, che la gh'ha 'vuu on certo sucess, l'è stada cantada anca al Concert del Primm de Magg a Roma in quell istess ann.