Concentrazion micellara critega

Lombard Quell articol qì l'è scrivud in Lombard, cond l'ortografia Scriver Lombard.

Ind la qimega colloidala e de superfis, la concentrazion micellara critega (CMC) l'è definida 'me la concentrazion de tensioativ in cima de la quala ambia a formar-s le micelle, e tœts i tensioativ qe i se jonta al sistema i va ind le micelle. La CMC l'è una carataristega importanta, qe l'è diferenta per ogne tensioativ. Prima de rivar a la CMC; la tension superfiçala la cambia fess cond la concentrazion de tensioativ. Una volta qe ta rivet a la CMC, la tension superfiçala la resta plœ o manc semper qella, o la cambia cond una pendenza un toc plœ bassa. La valutazion de la CMC per un disperdent ind un medium la dipend de la temperadura, pression e (a volte anca fes fes), de la presenza e concentrazion de oltre sostanze cond atività tensioativa, e eletrolita. Le micelle le pœl formar-s domà in cima de la temperadura micellara critega.