Temperadura micellara critega

Quell articol qì l'è scrivud in Lombard, cond l'ortografia Scriver Lombard.

La temperadura de Krafft (ciamada anca pont de Krafft o temperadura micellara critega) l'è la temperadura minima a la quala i tensioativ i se met insema a formar le micelle. La concentrazion micellara critega (CMC) e la temperadura micellara critega (CMT) i è i du parameter plussee importants de cognosser per studiar-ga adree a la formazion de le micelle, e per ogne tensioativ se pœl calcolar sperimentalment sies la CMC sies la CMT. Quand qe se met denter de l'aiva un tensioativ, al prencepe se trœva domà el tensioativ en forma de monomer, çoè de singola molecola circondada domà de molecole de solvent; a aumentar la concentrazion del tensioativ, se riva a una concentrazion critega (CMC) e una temperadura critega (CMT) indov qe le ambia a formar-s le micelle. La CMT la dipend de la tipolojia de tensioativ, e ind el cas dei tensioativ ioneg, anca de la tipolojia de contraion; prexempe, sai diferents de un istess tensioativ i g'ha CMT diferente. Col nar in sœ cond la temperadura, se riva a un pont ciamad Krafft point, indov al istess temp g'è tre fas diferente, qella monomerega, qella micellara, e qella de sospension cristallina; in cima, g'è domà qella de micelle e qella monomerega.