Conetìf

Chest artícol a l'è scricc in Lumbàrt, ortograféa orientàl unificàda.

En botànica, se ghe dà nòm de conetìf a la pursiù de fìbra stéril de la antéra sitüàda 'ntra le teche, e che i a té 'nséma perchè la fà còrp ünech. De sòlet l'è 'n elemènt mìa tat svelöpàt, isé che le téche le sàpe bèle ispunìde; endèna quach angiospèrma primitìva però, töt el stam el pöl vìga amò piö o méno caraterìstica o aspèt de fòia e 'l conetìf el pöl rià a véser bèl svelöpàt, isé de separà bé bé le téche. En sèrte càzi el conetìf el g'ha dele apendìs de fùrma vària che g'ha 'mportànsa per catà fò spéce de spéce (per ezèmpe endèle Melastomataceae).

Schéma de 'na antéra en sesiù trasversàla. 1: Filamènt; 2: Téca; 3: Conetìf (i vas cundutùr en rós); 4: Sach pulìnich (ciamàt apò sporàngio).

Riferimèncc

• Gola, G., Negri, G. e Cappeletti, C. 1965. Tratado de Botánica. 2da. edición. Editorial Labor S.A., Barcelona, 1110 p.
• Font Quer, P. 1953. Diccionario de Botánica. Barcelona, Labor.
• Strassburger, E. 1994. Tratado de Botánica. 8va. edición. Omega, Barcelona, 1088 p.