Confederazion
Ona Confederazion, ciamada anca Liga, l'è ona associazion de Stat sovran creada da on trattaa per rivà a di scop comun, per esempi la difesa, ona moneda unega o 'l commerc forest.
La differenza in tra la confederazion e la federazion l'è che la cession de poder al governo central in d'ona confederazion l'è manch de quella in d'ona federazion, e che i rapport in tra i Stat e 'l governo central hinn regolaa dal diritt internazional, quand che quej de ona federazion hinn regolaa dal diritt costituzional. Sta de fatt che gh'hinn di confederazion assee streng, comé la Svizzera, che de facto hinn federazion, e di confederazion largh, tant che on Stat el pò vess part de pussee de ona confederazion.