Lombard Quest articol chì l'è scrivud in lombard, con la Noeuva Ortografia Lombarda

El Consili Nazzional (Nationalrat in todesch, Conseil national in frances, Consiglio nazionale in italian, Cussegl naziunal in romancc) a l'è la cambra bassa de l'Assemblea Federala, fada su de 200 consejer elesgiud in circoscrizzion cantonai che manden al Consili un numer de deputad proporzionad al numer de quei che ghe viven. Ogni eletor el po dà un numer de preferenze istess del numer di consejer elesgiud del so Canton e ogni partid el po presentà pussee de liste, roba despess doperada per ciapà pussee de vot, a candidà per esempi liste de done o de pensionad.

Consili Nazzional
Font imagin: Parlament.ch
El Palazzi Federal sed del Consili Nazzional
Stat bandiera Svizzera
Tipo Cambra bassa de l'Assemblea Federal
Istituii 16 de november 1848
President Martin Candinas (DM/LC/AdC)
Prim Vizepresident Eric Nussbaumer (SP/PS)
Ultima elezion 20 de otover 2019
Numer de member 200
Grupp politegh Partid representad al Consili Federal (154)

Partid foeura del Consili Federal (46)

Sed Palazzi Federal, Berna
Indiriz Piazza Federal, Berna

El Parlament svizzer a l'è bicameral perfet, donca Consili Nazzional e Consili di Stat gh'hann i mideme competenze e una lesg la val domà se aprovada de tucc e du. A l'è minga possibel desligà i cambere prima de la fin del so mandad de quater agn, foeura che se la Costituzzion de la Svizzera a l'è renoeuvada del tut. El so president el guida anca i setade comun de l'Assemblea, donca l'è vist un poo 'me el "prim citadin svizzer".

Riferiment Modifega

  1. El gh'ha dent:
  2. El gh'ha dent:
  3. El gh'ha dent:

Ligam de foeura Modifega

Alter proget Modifega