Cort Costituzzional de l'Ucraina

Quest articol chì l'è scrivud in lombard, con la Noeuva Ortografia Lombarda

La Cort Costituzzional de l'Ucraina (in ucrain Конституційний Суд України) a l'è l'unega cort de l'Ucraina che la gh'ha competenze de revision costituzzional, o ben la interpreta la Costituzzion de l'Ucraina in del reguard di lesg e di alter at legai. Fada su el 18 de otover 1996, l'ha dad foeura la soa prima sentenza el 13 de masg del 1997.

Emblema de la Cort

In di cas pussee urgent la po dà una decision anca in d'una quaj setimana, inveci in di cas men important la po metégh anca di mes. I so scerne poden minga vesser apellade. L'è fada su de 18 giudes, nomnad in part eguai del Parlament, del President e del Consili di Giudes.

Fina al 2016 domà el President e i member de la Rada Suprema podeven apelàss a 'sta Cort chi, in quell ann li la passa una reforma che ghe permet a tucc de lomentàss con lee, a pat de havé passad tucc i alter nivei de la magistratura ucraina. A l'è stada in del mez de varie crisi politeghe in del Pais.

Ligam de foeura

• Sit ofizzial

Alter proget

Altri progetti

• Wikimedia Commons

• Wikimedia Commons el gh'ha dent imagin o alter archivi su Cort Costituzzional de l'Ucraina