Cardenza de Sant Ambroeus
(Rimandad de Credenza de Sant Ambroeus)
La Cardenza de Sant Ambroeus (latin: Credentia Sancti Ambrosii Mediolani, italian: Credenza di Sant'Ambrogio) a l'è stada 'n assemblea del liber comun de Milan e de la signoria de Milan.
Fondada in del 1198 per reppresentà el popol minutt, dòpo di lòtt l'ha ottegnuu del poder effettiv, de esercità insemma a la nobiltà. Se sa che 'l sò primm càpo a l'è staa el Drud Marcellin.
Cont la fin del liber comun l'ha perduu el sò poder e in del 1299 a l'è sostituida de la Noeuva Cardenza, de caratter militar e restada in pee per ona desina d'agn.